Mwenyekiti wa umoja wa vijana (UVCCM) wilayani Bahi,Bw.Kadoke Hassan,akizungumza na waandishi wa habari (hawapo pichani) wakati akitoa mikakati ya chama kuelekea katika uchaguzi wa Serikali za mitaa.

Mchungaji wa Kanisa la Uamsho Pentecoste,Damian Mchela,akizungumza na waandishi wa habari (hawapo pichani).

Aliyekuwa mwanachama wa Chadema wilaya ya Bahi,na Mgombea wa Ubunge ,na sasa ni kada wa CCM Bw.Mathias Lyamunda,akitoa tathmini ya chama chake cha CCM kuelekea Uchaguzi wa Serikali za Mitaa.

………………

Na.Alex Sonna,Dodoma

Umoja wa vijana wa Chama cha mapinduzi  [UVCCM]Wilaya ya Bahi mkoani Dodoma umesema kuwa  chama hicho kitashinda kwa kishindo kwa asilimia mia moja [100%] kwenye mitaa yote ya wilaya hiyo katika uchaguzi wa Serikali za Mitaa .

Hayo yamesemwa na Mwenyekiti wa UVCCM wilaya ya Bahi Bw.Kadoke Hassan wakati akizungumza na Waandishi wa Habari Wilayani humo.

Bw.Kadoke  amebainisha misingi madhubuti itakayokipaisha   chama hicho ni kutokana na Uongozi mzuri na Maridadi wa Rais wa Jamhuri ya Muungano wa Tanzania Dokta.John Pombe Magufuli  ikiwa ni pamoja na ununuzi wa ndege,mradi wa bomba la kusafirishia Mafuta ghafi kutoka Hoima Uganda hadi Tanga Tanzania,pamoja Mradi wa reli ya kisasa .

Bw.Kadoke amehamasisha vijana wote kushikamana na kujitokeza katika ushiriki wa serikali za mitaa   na wasisite kuyatangaza Mazuri yanayofanywa na Rais Magufuli.

Aidha ,UVCCM wilaya ya Bahi umechukua fursa ya kumpongeza Mathias Lyamunda aliyekuwa Upinzani  CHADEMA na alishawahi kugombea nafasi ya ubunge na sasa kuhamia chama tawala cha CCM Pamoja na wanachama wengine waliojiunga na chama hicho.

Katika hatua nyingine Bw.Kadoke amezungumzia juu ya  baadhi ya viongozi wa dini kuacha kuchanganya na Masuala ya siasa  .

Kwa upande wake Mchungaji wa Kanisa la Uamsho Pentecoste   Bahi ,Damian Mchela amesema wao kama viongozi wa  dini wataendelea kuhubiri amani na kutii mamlaka ya serikali.

“Sisi kama viongozi wa dini hubiri kubwa kwetu ni amani na kutii mamlaka ya serikali hivyo,tunaipongeza sana serikali ya awamu  ya tano kwa kuendelea kupambana na rushwa,pamoja na kusaidia wanyonge na watanzania wa hali ya chini”