*****************************
NA EMMANUEL MBATILO
Kiungo mahiri wa Lyon ya nchini Ufaransa Tanguy Ndombele ameeleza nia yake yakutaka kujiunga na klabu ya Tottenham ya nchini Uingereza akiamini ndiyo klabu kubwa ambayo anatakiwa kuichezea.
Mchezaji huyo mwenye umri wa miaka 22 amekuwa akiwaniwa na klabu kadhaa za barani Ulaya licha yakuwa hivi karibu kuweka wazi klabu gani ambayo anahitaji kuichezea.
Inafahamika kuwa Spurs wapo kwenye mazungumzo na Lyon kwa ajili ya kumnasa kiungo huyo licha ya upinzani mkali kutoka kwa vilabu vingine ikiwemo Juventus.
Spurs inahitaji kurekebisha kikosi chao ambacho kilifanikiwa kutinga fainali ya Ligi ya Mabingwa Ulaya licha ya kuambulia kipigo kutoka kwa Liverpool na kupoteza matumaini ya kuchukua kombe hilo kwa mara ya kwanza.
