Kaimu Kamishna wa uhifadhi mamlaka ya usimamizi wa wanyamapori Tanzania Mabula Misungwi Nyanda, akizungumza na Maafisa wa TAWA waliofika katika kikao kazi Cha kujadili Mambo mbalimbali ya Mamlaka hiyo leo Mjini Morogoro.
Baadhi ya Maafisa wa TAWA waliohudhuria katika kikao kazi Cha kujadili Mambo mbalimbali ya Mamlaka hiyo wakimsikiliza Kaimu Kamishna wa uhifadhi mamlaka ya usimamizi wa wanyamapori Tanzania Mabula Misungwi Nyanda leo Mjini Morogoro.
Picha ya pamoja Kati ya Kaimu Kamishna wa uhifadhi mamlaka ya usimamizi wa wanyamapori Tanzania Mabula Misungwi Nyanda na Baadhi ya Maafisa wa TAWA.
***********************
Na FARIDA SAID, MOROGORO
Baada ya tatizo la muda mrefu la wanyama aina ya Tembo kuvamia kwenye makzi na kufanya uharibifu wa mazao kwenye mashamba kisha kuua na kujeruhi watu katika maeneo mbalimbali nchini, Mamlaka ya usimamizi wa wanyamapori Tanzania (TAWA) imeandaa mikakati ya kudhibiti wanyama hao kwa kuwashirikisha wananchi na kuwapa mbinu za kujilinda dhidi ya wanyama hao.
Hayo yameelezwa na Kaimu Kamishna wa uhifadhi mamlaka ya usimamizi wa wanyamapori Tanzania Mabula Misungwi Nyanda, wakati wa kikao kazi cha maafisa wa mamlaka hiyo kwa lengo la kujadili masuala ya Bajeti pamoja na kuweka mikakati madhubuti ya kulinda maeneo yote ya hifadhi ili yasitumiwe na magaidi.
Amesema matukio mengi yanatokana na wananchi kushindwa kufuata maelekezo ya wataalamu wa wanyamapori hasa inapotokea wanyama hao wamevamia kwenye mashamba au kwenye makazi.
“tumekuwa tukitoa maelekezo kwa wananchi hasa katika maeneo ambayo yamekuwa wakiathiriwa na wanyama kuwa inapotokea wananchi wamemuona tembo wajiepushe kumkimbilia, kupiga kelele, kasha watoe taarifa kwenye mamlaka zinazohusika kabla tembo hao hawajaleta madhara” kamishna mabula alisema.
Hata hivyo kaimu kamishna mabula amewaagiza wakuu wote wa vituo vya tawa kote nchini kuhakikisha wanadhibiti vitendo vya rushwa kwa baadhi ya askari kabla hatua kali hazijachukuliwa dhidi yao
“Hatutamvumilia mkuu yeyote wa kito ambaye atakuwa anaona vitendo vya rushwa kwa baadhi ya askari wa tawa na hachukui hatua badala yake tutaanza kwa kumshughulikia yeye halafu askari wengine watauata” kamishna mabula alisisitiza.
“lakini pia katika mikakati ya tawa, tmejipanga kuhakikisha tunalinda mapori yetu yote ili kuepuka matukio ya ugaidi kufanyika kasha magaidi kukimbilia kwenye maeneo hayo na kuyafanya kuwa maficho na kuyageuza kuwa viwanja vya mafunzo” kamishna mabula aliongeza.
Kwa upande wao baadhi ya Maafisa wa TAWA waliohudhuria kakao hicho wamesema madhara ambayo amekuwa yakijitokeza kwa wananchi kuvamiwa na kuuawa na wanaya ni kutokana na uelewa ndogo wa wananchi hivyo wao kama watendaji watahakikisha wanaendelea kutoa elimu kwa wananchi hao.
Aidha katika swala la rushwa Maafisa hao wamemuhakikishia kamishna Mabula kuwa watakuwa waadilifu kila siku wawapo kazini kwani kutoa au kupokea rushwa ni kosa kisheria,hivyo hawatojihusisha nayo.
