****************************************
Mgombea Ubunge Jimbo la Buchosa kupitia Chama Cha Mapinduzi (CCM), Eric Shigongo James akizungumza na wananchi wa Kijiji cha Luhama, Kata ya Bangwe wakati wa mkutano wake wa kampeni ambazo anaendelea kufanya jimboni humo.
Katika mkutano huo, Shigongo amewaahidi wananchi wa Kijiji hicho na Jimbo la Buchosa kuwa iwapo atachaguliwa, atakuwa mtumwa kwao ili kuwatumikia huku akiwasisitiza kujiandaa kufanya kazi kwa bidii kutokana na yeye kuamini katika kufanya kazi kwa bidii ili kufikia malengo ya maendeleo.
“Ndugu zangu mimi nitakuwa mtumwa kwenu katika kuwaletea maendeleo, hivyo ninachowaomba mjiandae kufanya kazi kwa bidii kwani kiongozi wenu anaamini mafanikio yanakuja kwa kujitoa na kufanya kazi kwa bidii, tukishirikiana kwa pamoja mabadiliko ya Buchosa inawezekana na hamtaamini. Ndugu zangu, ninawaomba mniamini tuibadilishe Buchosa yetu,” amesema Shigongo.
