******************************
Na.Mwandishi Wetu-MAELEZO
Serikali imesema inatarajia kugharamia Elimu ya Juu kwa wanafunzi wapya 50,000 kwa mwaka wa masomo 2020/2021 ili kuwezesha watoto wanaomaliza kidogo cha sita ambao wanakipato cha chini kumudu mahitaji ya kupata eimu ya juu.
Akizungumza katika Maonesho ya 44 ya Biashara ya Kimataifa ya Dar es Salaam (DITF), Mkurugenzi Mtendaji wa Bodi ya Mikopo ya Elimu ya Juu (HESLB), Abdul-Razaq Badru alisema kuwa Maonesho ya Biashara (DITF) ni maandalizi ya kuanza msimu mpya wa kufungua maombi ya Mikopo kwa wananfunzi wa elimu ya juu kwa mwaka wa masomo 2020/21.
“Sisi Maonesho haya yanatusaidia sana kwa sababu huwa ni maandalizi ya kuanza msimu mpya na tuko tayari kufungua msimu huo kwa mwaka wa masomo 2020/21, bajeti mpya ya serikali iliyopitishwa bungeni ya Bilioni 468 hii itatuwezesha kulipia wanafunzi wapya wasiopungua 50,000”, Alisema Badru
alibainisha kuwa kwa mwaka huu wa masomo unaoanza novemba kutakuwa na wanafunzi wapya wanaofaidika na mkopo wa elimu ya juu wapatao 50, 000 na kufanya idadi ya wanafunzi wanaolipiwa na Bodi hiyo kuwa 225,000 ambapo wote watakuwa wanafaidika na bajeti mpya ya bilioni 468.
Aliongeza kuwa katika mwaka wa masomo 2019/20 wanafunzi wapya walikuwa 45,000 ambapo bajeti ilikuwa bilioni 450 kwa wanafunzi wote wapya na wanaendelea na mwaka huu wa masomo yaani 2020/21 kutakuwa na wanafunzi 50,000 ambapo shilingi bilioni 468 imepitishwa ili kugharamia masomo kwawanafunzi wote.
Aidha alieleza kuwa bajeti imekuwa ikiongezeka kila mara kwa muda wa miaka minne na sasa Bodi hiyo imewekeza jumla ya TZS Trilioni 2.6 kuwasomesha wanafunzi tokea mwaka 2015, huku ukusanyaji wa mikopo iliyoiva ukiongezeka kutoka Bilioni 30 mwaka 2014/15 na kufikia bilioni 192 kwa mwaka wa fedha ulioishia Juni 30 mwaka huu.
