MKOA WA MWANZA WAANIKA MAFANIKIO MIAKA 60 YA UHURU

Kaimu Mkuu wa Mkoa wa Mwanza pia,Mkuu wa Wilaya ya Ukerewe,Christopher Ngubiagai,akihoji jambo kabla ya kupanda mmea aina ya zambarau leo,wakati wa maadhimisho ya miaka 63 ya Uhuru,kimkoa wilayani Ilemela.

Katibu Tawala wa Wilaya ya Ilemela (DAS),Mariamu Msengi,akizungumza na wananchi (hawapo pichani),leo katika maadhimisho ya miaka 63 ya Uhuru.

Ofisa mstaafu wa serikali, Mchungaji Dk.Jason Mutashongerwa,akitoa mada ya historia ya Tanzania,kabla ya Uhuru katika kongamano la maadhimisho ya miaka 63 ya Uhuru, leo wilayani Ilemela, kuwa amani ilikuwa agenda ya Mwalimu Julius K.Nyerere.

Mkuu wa Wilaya mstaafu,Dk.Leonard Masale,akitoa mada ya maisha kabla na baada ya Uhuru,mwaka 1961,leo katika kongamano la maadhimisho ya miaka 63 ya Uhuru kimkoa wilayani Ilemela.

Mkuu wa Wilaya ya Ukerewe,Christopher Ngubiagai pia Kaimu Mkuu wa Mkoa wa Mwanza,akizungumza na wananchi (hawapo pichani),leo wakati wa maadhimisho ya miaka 63 ya Uhuru,kimkoa wilayani Ilemela.

Watumishi na wananchi wakiwa katika maadhimisho ya miaka 63 Uhuru,yaliyofanyika kimkoa ilayani Ilemela.

…….

NA BALTAZAR MASHAKA, ILEMELA

MKOA wa Mwanza Katika maadhimisho ya miaka 63 ya Uhuru wa Tanzania Bara NA Mika 62 ya Jamhuri,umetangaza mafanikio makubwa yaliyopatikana katika nyanja mbalimbali za maendeleo ya kiuchumi,kisiasa na kijamii.

Akizungumza katika maadhismisho ya kimkoa wilayani Ilemela, leo kaimu Mkuu wa Mkoa wa Mwanza pia, Mkuu wa Wilaya ya Ukerewe, Christopher Ngubiagai, ameeleza mafanikio hayo, akitaja maendeleo makubwa katika miundombinu, huduma za kijamii na uchumi.

Amesema Mkoa wa Mwanza umeimarisha miundombinu ya barabara, ambapo barabara za lami zimeongezeka kutoka km 8.81 mwaka 1961 hadi km 359.895 mwaka 2024, huku barabara za changarawe zikiongezeka kutoka km 125 hadi km 2,213.

Zaidi ya hayo, huduma ya maji safi imeongezeka kwa kiwango kikubwa, na sasa asilimia 70 ya vijiji vya mkoa vinapata huduma hiyo, ikilinganishwa na vijiji vichache vilivyokuwa na maji safi mwaka 1961.

Ngubiagai amesema katika sekta ya afya, vituo vya afya na hospitali vimeongezeka kutoka tatu hadi 27 zikiwemo Hospitali za Rufaa za Sekou Toure na ya Rufaa ya Kanda Bugando, inayotoa huduma za afya za kibingwa na ubingwa bobezi pai, mkoa umejenga Hospitali ya Rufaa ya Mkoa mpya (Nansio).

Aidha, amesema mkoa umeongeza idadi ya zahanati kutoka 14 hadi 371,sekta ya elimu pia imeonesha maendeleo makubwa, huku shule za sekondari zikiongezeka kutoka tano mwaka 1961 hadi kufikia shule 332,mwaka 2024.

Uchumi wa mkoa umeimarika kupitia viwanda, viwanda vikubwa vimeongezeka kutoka vichache vya kuchambua pamba hadi kufikia 64, vya kati 171 ambapo uwekezaji katika sekta ya umeme umewezesha vijiji vingi kupata umeme,vijiji 23 sasa vipo katika mpango wa kupata umeme wa jua.

Ngubiagai ameeleza kuwa maendeleo hayo ni matokeo ya uongozi madhubuti wa serikali katika awamu mbalimbali, na ushirikishwaji wa wananchi katika utekelezaji wa sera za maendeleo.

Amesisitiza umuhimu wa kuendeleza juhudi hizo kwa manufaa ya vizazi vijavyo, na akaahidi kuendeleza mafanikio hayo kwa kuzingatia maono ya waasisi wa taifa.

Kauli mbiu ya sherehe hizo, “Miaka 63 ya Uhuru wa Tanzania Bara; Uongozi madhubuti na Ushirikishwaji wa Wananchi ni Msingi wa Maendeleo Yetu,” imekumbusha umuhimu wa mshikamano, uongozi bora, na juhudi za pamoja katika kufikia malengo ya maendeleo endelevu kwa manufaa ya wananchi wa Mwanza na Tanzania kwa ujumla.