Mwenyekiti wa chama cha NCCR Mageuzi Taifa Haji Ambar Khamis akizungumza na waandishi wa habari wakati akitoa pongezi kwa Rais wa Zanzibar na Mwenyekiti wa Baraza la Mapinduzi Dkt.Hussein Ali Mwinyi kwa kuadhimisha miaka 60 ya Mapinduzi katika hali ya amani na upendo ,Hafla iliyofanyika Ukumbi wa studio rahaleo Mjini Unguja.
PICHA NA FAUZIA MUSSA-MAELEZO ZANZIBAR
…………….
Mwenyekiti Taifa wa Chama cha NCCR – MAGEUZI Haji Ambar Khamis amempongeza Rais wa Zanzibar na Mwenyekiti wa Baraza la Mapinduzi, Mhe. Dk. Hussein Ali Mwinyi kwa kusimamia vyema maadhimisho ya miaka 60 ya Mapinduzi ya Zanzibar kwa Amani na umoja.
Ameyasema hayo huko katika Ukumbi wa Sanaa, Rahaleo wakati akizungumza na waandishi wa habari wa vyombo mbalimbali
Amesema, miradi iliyozinduliwa na Serikali ya Dr. Mwinyi katika maadhimisho hayo imedhihirisha kazi kubwa aliyoifanya ya kuwatumikia Wananchi hivyo chama hicho kitaendelea kushirikiana naye ili kuleta maendeleo Nchini.
Hata hivyo amesema chama hicho hakitashiriki Maandamano ya Amani yaliyotangazwa na Chama cha Demikrasia na Maendeleo (CHADEMA) kufanyika Nchini ya kupinga marekebisho ya sheria ya Uchaguzi kwa vile chama hicho kimeshapeleka mapendekezo yao katika marekebisho hayo.
Amesema maandamano si njia sahihi ya kutafuta muafaka wakati zipo njia mbadala za kutafuta suluhu pale mnapotofautiana hivyo amewataka wanachama wa chama hicho kutokujihusisha na Maandamano hayo.
