*****************
Na Mwamvua Mwinyi,Kibaha
Februari 3
MJUMBE wa Halmashauri Kuu ya Chama Cha Mapinduzi CCM Taifa-WAZAZI , Hamoud Jumaa ameeleza Mwenyekiti wa CCM Taifa dkt.Samia Suluhu Hassan anafanya makubwa katika nyanja zote ili kuinua maendeleo na kukuza uchumi wa nchi hivyo Kuna kila sababu ya kumuunga mkono .
Akiongoza wanaCCM na wananchi kuadhimisha miaka 46 ya CCM Kibaha Vijijini,Jumaa alisema , Tanzania ilipofikia toka miaka 46 tuna mengi ya kujivunia.
Aidha Jumaa aliwataka watu wanaobeza juhudi za Rais waache kwakuwa anahangaika kwa ajili ya kuiletea nchi Maendeleo na kujenga demokrasia na kuimarisha mahusiano mazuri na mataifa mengine.
Hata hivyo alielezea kwamba , katika upande wa Kibaha Vijijini ni miongoni mwa wilaya ambayo Dkt Samia kafanya maendeleo ambayo yanaonekana na baadhi ya kero zimebaki historia.
“Tumuunge mkono Rais ,tuache maneno maneno, Utekelezaji wa ilani unatekelezwa kwa asilimia kubwa katika sekta zote ikiwemo afya kujengwa vituo vya afya, elimu -kujengwa Madarasa,viwanda vimesheheni kwani wawekezaji wanaongezeka nchini, barabara zinaendelezwa kila Kona ,vikundi vya ujasiliamali na machinga wanawezeshwa mikopo na miradi mikubwa ya kimkakati haijasimama ikiwa ni pamoja na reli ya mwendo Kasi SGR,Bandari kavu ya Kwala,Daraja la kisasa la WAMI,.”
“Ni makubwa yamefanyika tangu enzi ya Mwalimu Nyerere,Rais Ali Hassan Mwinyi, Hayat Benjamin Mkapa,Jakaya Kikwete,Hayat John Magufuli na Sasa Rais Samia ambae anayaendeleza kwa vitendo “alifafanua Jumaa.
Jumaa aliwataka wanaCCM kuwa wamoja kuimarisha ushirikiano ili kuiletea ushindi CCM uchaguzi wa Serikali za mitaa 2024 na uchaguzi mkuu 2025.
Vilevile Jumaa aliweka jiwe la msingi ujenzi wa ofisi ya kata Mtongani ,ambao ukianza tangu mwaka 2017 kwa njia ya kujitolea,ambapo amechangia 500,000 na rafiki yake 500,000 kwa ajili ya ujenzi huo.
“Tushirikiane kujenga ofisi za Chama ,tuondokane na ofisi za kutembea nazo ,nawaomba tujenge ofisi kata na wilaya ili kukiimarisha Chama”alibainisha Jumaa.
Katibu wa CCM Mtongani,Grolia Kirei alisema , ujenzi huo mbali ya wanaCCM kujitolea pia mbunge viti maalum Hawa Mchafu ,Subira Mgalu,wilaya na Mwenyekiti wa UWT mkoa Zainabu Vullu nao walichangia vifaa mbalimbali.
Mwenyekiti wa CCM Kibaha Vijijini,Mkali Kanusu alieleza ,Rais Samia apewe ushirikiano na kuyaeleza Yale aliyoyatekeleza nchini.
Kanusu alisisitiza,umoja na mshikamano kwa wanaCCM Kibaha Vijijini pasipo kutengana.
Katibu wa CCM Kibaha Vijijini,Safina Nchimbi alieleza ,maadhimisho hayo yameambatana na tukio la kuchangia damu, kupanda miti ,kufanya usafi kituo Cha afya Mlandizi na zahanati.
###Picha mbalimbali za maadhimisho ya miaka 46 ya CCM Kibaha Vijijini yaliyofanyika kata ya Mtongani ,na mgeni rasmi akiwa Mjumbe wa Halmashauri Kuu ya CCM Taifa-Wazazi , Hamoud Jumaa.
