Mhadhiri Mwandamizi idara ya Jografia na Uchumi, Mtaalamu wa Mazingira na Elimu ya Mazingira Dkt.Daniel Sabai akizungumza katika warsha ya wadau wa mradi wa Utafiti wa ‘Spaces’ ambayo imefanyika leo Oktoba 11,2022 katika Chuo Kishiriki cha Elimu Dar es Salaam (DUCE) Jijini Dar es Salaam. 
Mhadhiri Mwandamizi idara ya Jografia na Uchumi, Mtaalamu wa Mazingira na Elimu ya Mazingira Dkt.Daniel Sabai akizungumza katika warsha ya wadau wa mradi wa Utafiti wa ‘Spaces’ ambayo imefanyika leo Oktoba 11,2022 katika Chuo Kishiriki cha Elimu Dar es Salaam (DUCE) Jijini Dar es Salaam.
*********************
Serikali imepongezwa kwa kuweka marufuku ya matumizi ya mifuko ya plastiki hatua ambayo inasaidia kupunguza matatizo ya utupaji taka usiofaa nchini ambao ungeweza kusababisha madhara makubwa kwa mazingira na viumbe hai.
Pongezi hizo zimetolewa na Prof.Kate Hampshire kutoka Idara ya Anthropolojia katika Chuo Kikuu cha Durham, Uingereza wakati wa mkutano uliowakutanisha wadau mbalimbali wa Utafiti wa ‘Spaces’ uliofanyika leo Oktoba 11,2022 Jijini Dar es Salaam
DUCE imeungana na vyuo vikuu sita vya kimataifa kufanya utafiti ili kuelewa hatari za afya ya umma na athari za kimazingira za uchafuzi wa plastiki nchini Tanzania na Malawi na kuchunguza ni hatua zipi, sera na kanuni zinazoweza kupunguza hatari hizi.
“Kwa kweli napongeza sana kilichofanywa na Serikali kupiga marufuku mifuko ya plastiki, Tanzania na nchi nyingine za ukanda huu zimekuwa zikiongoza duniani kwa jitihada zenu na wengi wetu katika nchi nyingine inabidi tufikie hatua.
“Lakini kwa uwazi, tatizo haliko kwenye mifuko ya plastiki pekee, hivyo tunatakiwa kufikiria hatua zinazofuata zaidi ya hapo na kufanya kazi kwa ushirikiano na serikali duniani kote. Nafikiri Tanzania inaweza kuwa kiongozi wa dunia katika kushughulikia matatizo haya,” Amesema Prof.Kate .
Aliongeza kuwa taka za plastiki ni tatizo kubwa duniani huku akisisitiza kuwa baadhi ya nchi kama Tanzania ziko mbele katika usimamizi wa bidhaa taka na kutoa wito kwa wadau wengi kujiunga na mnyororo huo.
“Hakuna mdau mmoja au nidhamu ya kitaaluma inayoweza kudhibiti tatizo hili la taka za plastiki. Mradi huu unategemea kuwa na watu wa fani mbalimbali ambao wanakusanyika kwa ajili ya kutafuta njia za kudumu za kutatua matatizo,” Amesema.
Kwa upande wake Mhadhiri Mwandamizi wa Idara ya Jiografia na Uchumi wa DUCE Dkt.Emiliana Mwita (mratibu wa mradi) amesema kuwa wapo kwenye matayarisho ya kukusanya takwimu na namna bora ya kuwashirikisha wanajamii ili kutimiza malengo yake.
“Utupaji mbaya wa taka za plastiki ni hatari kwa mazingira na watu, kwa hivyo wamejipanga kuanzisha sababu kadhaa zinazosababisha matumizi ya plastiki na utupaji wao usiofaa.
Aidha, Dkt.Mwita alifahamisha kuwa mradi huo utafanyika katika vifurushi vinne vya kazi; kifurushi cha kwanza cha kazi kitajua chanzo cha plastiki, jinsi zinavyoingia nchini, jiji, kwa nini watu wanazitumia na zinaishia wapi.
“Kifurushi cha pili kitashughulikia athari za taka za plastiki kwenye mazingira na hapa, wataalam wa kemia watafanya uchunguzi jinsi taka kama hizo zinaweza kuhatarisha udongo, maji na mimea ambayo inaweza kudhuru maisha ya watu.
“Kifurushi cha tatu cha kazi kitashughulikia motisha za kifedha na zisizo za kifedha zinazohitajika kubadili tabia na mifumo ya biashara ili kupunguza idadi ya plastiki inayozalishwa na kusambazwa.
“Badilisha chaguzi za sasa za ufungaji wa plastiki kupitia njia mbadala zilizoboreshwa, endelevu na mabadiliko ya tabia; na uondoe plastiki iliyopo kwenye mazingira kwa kufanya kazi na wafanyabiashara wa ndani ambao wanakusanya na kuchakata tena plastiki.” amesema.
Pia, mwakilishi kutoka Chuo Kikuu cha Biashara na Sayansi Shirikishi cha Malawi, Dkt.Kondwani Chidziwisano amesema amejifunza mengi juu ya kile kinachofanywa na serikali ya Tanzania kuzuia utupaji ovyo wa taka za plastiki.
Mhadhiri Mwandamizi idara ya Jografia na Uchumi, Mtaalamu wa Mazingira Dkt.Emiliana Mwita akizungumza katika warsha ya wadau wa mradi wa Utafiti wa ‘Spaces’ ambayo imefanyika leo Oktoba 11,2022 katika Chuo Kishiriki cha Elimu Dar es Salaam (DUCE) Jijini Dar es Salaam. 
Afisa Mazingira Mwandamizi -NEMC, Bi.Kulthum Shushu akizungumza katika warsha ya wadau wa mradi wa Utafiti wa ‘Spaces’ ambayo imefanyika leo Oktoba 11,2022 katika Chuo Kishiriki cha Elimu Dar es Salaam (DUCE) Jijini Dar es Salaam. 
Wadau mbalimbali wa Utafiti wa ‘Spaces’ wakipata picha ya pamoja mara baada ya kukutana kwenye warsha ambayo imefanyika leo Oktoba 11,2022 katika Chuo Kishiriki cha Elimu Dar es Salaam (DUCE) Jijini Dar es Salaam.
(PICHA ZOTE NA EMMANUEL MBATILO)
