*************************
27 agost
Na Mwamvua Mwinyi,Kisarawe
Jeshi la polisi Mkoani Pwani linamshikilia mtu mmoja mwanaume miaka 32 msanii na mkazi wa Sanze kata ya Kisarawe wilaya ya Kisarawe ,akiwa na silaha bandia za kivita Ak smg 11,uzgun moja ,pisto 5, vest za kukinga risasi mbili zilizotengenezwa kwa plastic na mbao na redio calls bandia.
Kamanda wa polisi Mkoani Pwani,Pius Lutumo akizungumza na waandishi wa habari, ameeleza mtu huyo amekamatwa kupitia taarifa fiche.
Lutumo ameeleza, katika mahojiano na mtuhumiwa amekiri kuwa anatengeneza silaha hizo na anatumia kwa matumizi yake na kuupelelezi ukikamilika mtuhumiwa atafikishwa mahakamani.
Sambamba na hayo Kamanda huyo ametoa wito kwa jamii kuishi kwa kufuata misingi ya sheria kama wanahitaji kutumia silaha kwa namna yoyote,na wafuate sheria na taratibu zilizowekwa za kupata vibali toka Taasisi husika.
