…………………………………………………
Na John Walter-Babati
Baada ya Chama cha Haki Miliki (COSOTA) kutangaza kuzirejesha upya tuzo za wasanii, Msanii mkongwe wa muziki Dully Sykes amesema hafikirii kuingia kwenye tuzo hizo kwa kuwa alishajitoa.
Dully Sykes akizungumza kwenye kipindi cha POWER POINT ya Smile Fm leo Januari 31,2022 amesema hana tuzo lakini ana maisha ya muziki na hata akipata tuzo hizo hazimsaidii kivyovyote mashabiki wa muziki wake kwa kuwa akipata au akikosa haitawaathiri.
Amesema mashabiki wanachotaka ni kazi zake, “kazi ndo chakula cha mashabiki wangu,mimi nalisha mashabiki kutokana na muziki wangu” alisema Dully Sykes.
Ameongeza kuwa sio kwamba yeye amekataa tuzo ila walianza kumnyima tuzo.
