************
Jeshi la Polisi Mkoa wa Mbeya linamshikilia mtu mmoja ENOCK S/O
WILSON [28] Mkazi wa Misungwiji akiwa anamiliki silaha aina ya gobole bila
kibali wilayani chunya.
Ni kwamba mnamo tarehe 15/07/2019 majira ya saa 15:00 mchana huko Kitongoji cha Misungwiji, Kijiji cha Isangawana, Kata Matwiga, Wilaya ya Chunya, Mkoa Mbeya. Alikamatwa ENOCK S/O WILSON [28], msangu, mkulima, mkazi wa
Misungwiji akiwa anamiliki silaha aina ya gobole bila kibali. Mtuhumiwa
atafikishwa Mahakamani mara baada ya upelelezi kukamilika.
Aidha natoa wito kwa wananchi kutomiliki silaha bila vibali, kwani ni kosa la jinai
kwa mujibu wa sheria.
KUPATIKANA NA LAINI ZA SIMU ZENYE USAJILI WA MAJINA YA
WATU WENGINE. @ “TUMA PESA KWENYE NAMBA HII”
Mnamo tarehe 16/07/2019 majira ya saa 17:20 jioni, huko mtaa wa Shewa, Kata
Mwakibete, Tarafa Iyunga, Jiji la Mbeya. Alikamatwa GALSON S/O
MGEMA[46], mnyamwezi, mfanyabiashara, mkazi wa Shewa, akiwa na laini 05
za mtandao wa Tigo zikiwa na usajili wa majina ya watu wengine na simu 04
tofauti zikiwa na laini hizo. Mtuhumiwa anatumia laini hizo katika matukio ya
uhalifu kwa njia ya mtandao. Upelelezi unaendelea.
WITO:
Natoa wito kwa wananchi kuendelea kushirikiana na Jeshi la Polisi kwa kutoa
taarifa za uhalifu, usalama barabarani hata kama ndogo kiasi gani kwetu ni taarifa
na tutaifanyia kazi ili kuzuia vitendo vya kihalifu/ajali za barabarani mapema
kabla ya kutokea. Pia Jeshi la Polisi linaendelea na zoezi la ukaguzi katika nyumba
za kulala wageni ili kuhakikisha usalama wa raia na mali zao.
