**********************
20/07/2022 DODOMA
Mkuu wa Jeshi la Polisi nchini IGP Camilius Wambura ametaja vipaumbele vyake ikiwemo suala la kukabiliana na uhalifu na wahalifu na kwamba atahakikisha matukio mbalimbali ya kihalifu yanaendelea kudhibitiwa.
IGP Wambura amesema hayo leo muda mfupi baada ya kuapishwa na kuwa Mkuu wa Jeshi hilo na kisha kuripoti Makao Makuu ya Polisi jijini Dodoma na kukabidhiwa rasmi ofisi na mtangulizi wake aliyekuwa Mkuu wa Jeshi la Polisi Balozi IGP Simon Sirro.
