***********
Mamia ya wananchi viongozi, wanamichezo, wasanii wa tasnia mbali mbali nchini Jumapili 10 Julai 2022 wamejumuika katika mazishi ya Msanii Nguli wa Filamu Bi Chuma Suleiman Maarufu (Bi Hindu) yaliyofanyima nyumbani kwake Magomeni Butiama na kuzikwa katika makaburi ya Mwinyi Mkuu Jijini Dar Es Salam
”Chama cha Mapinduzi kitamkumbuka Bi Chuma kwa mchango wake mkubwa katika kutetea utaifa wetu kwa kudumisha utamaduni, mila, silka na desturi zetu hasa katika kuelimisha, kuhamasisha, kuburudisha na kulea rika zote kupitia semi, tungo na ujumbe maridhiwa katika nyakati tofauti” Sehemu ya salam za pole zilizowasilishwa na Katibu wa Halmashauri Kuu ya CCM Taifa Itikadi na Uenezi Ndugu Shaka Hamdu Shaka.
Pamoja na viongozi kadhaa walitoa salamu za pole Waziri wa Utamaduni, Sanaa na Michezo Mhe Mohamed Mchengerwa aliwasilisha salamu za Serikali na mkono wa rambi rambi kutoka kwa Rais wa Jamhuri ya Muungano wa Tanzania na Mwenyekiti wa CCM Taifa Ndugu Samia Suluhu Hassan
Bi Chuma Suleiman( Bi Hindu) alifariki dunia Jumamosi 09 Julai 2022 baada ya kuugua kwa muda mrefu.
Sote ni wa MwenyeziMungu na kwake ni Marejeo.
