Home Mchanganyiko DKT. SENGATI AITAKA TASAF KUHAKIKISHA WALENGWA WANAKUWA WALE WANAOKIDHI VIGEZO KISHERIA.

DKT. SENGATI AITAKA TASAF KUHAKIKISHA WALENGWA WANAKUWA WALE WANAOKIDHI VIGEZO KISHERIA.

0

Mwakilishi wa Mkurugenzi Mkuu wa TASAF Nchini Bw. Japhet Boaz akiwapitisha wadau wa TASAF Mkoa wa Shinyanga waliofika katika ukumbi wa Manispaa ya Shinyanga kushiriki uzinduzi wa kipindi cha pili cha awamu ya tatu ya utoaji ruzuku na TASAF kwa kaya masikini.

 Wadau wa TASAF Mkoa wa Shinyanga waliofika katika ukumbi wa Manispaa ya Shinyanga kushiriki uzinduzi wa kipindi cha pili cha awamu ya tatu ya utoaji ruzuku na TASAF kwa kaya masikini.

Mkuu wa Mkoa wa Shinyanga Dkt. Philemon Sengati akiwa na katika picha ya pamoja baada ya kuzindua Kikao kazi cha Wadau wa TASAF Mkoa wa Shinyanga waliofika katika ukumbi wa Manispaa ya Shinyanga kushiriki uzinduzi wa kipindi cha pili cha awamu ya tatu ya utoaji ruzuku na TASAF kwa kaya masikini. 

****************************

Na Anthony Ishengoma

Mkuu wa Mkoa wa Shinyanga Dkt. Philemon Sengati amesisitiza agizo la Serikali kwa TASAF la kutoa elimu ya kutosha kwa wananchi kuhusu mpango wake wa kipindi cha pili cha awamu ya tatu ya TASAF ya kunusuru kaya masikini kuhusu namna ambavyo wanufaika  wanapatikana ili kuondoa malalamiko katika jamii ambayo yalitojitokeza kwa kiwango fulani katika awamu za awali.

Dkt. Sengati pia ameitaka TASAF kuahakikisha wasimamizi wa zoezi la utambuzi wa wanufaika wa TASAF wa mpango wa pili wa awamu hii ya tatu wanakuwa  ni wale tu waliokidhi vigezo kwa mujibu wa sheria. 

Dkt. Philemon Sengati amesema hayo wakati alipozindua kikao kazi cha wadau waliofika katika ukumbi wa Manispaa ya Shinyanga kupata elimu ya kipindi cha pili cha awamu ya tatu ya utoaji ruzuku na TASAF kwa kaya masikini Mkoani Shinyanga.

Aidha Dkt. Sengati aliongeza kuwa utekelezaji wa mpango wa TASAF ni moja ya nyenzo ya kupambana na umasikini akiongeza kuwa zaidi ya kaya milioni moja zimewezeshwa na TASAF kupambana na umasikini kwani wapo ambao wameanzisha miradi ya ujasiliamali inayowasaidia kuendesha maisha kwa unafuu zaidi ukilinganisha na ilivyokuwa hapo mwanzo.

Naye Mwakilishi wa Mkurugenzi wa TASAF Nchini Bw. Japhet Boaz amewambia wajumbe wa mkutano huo kuwa TASAF katika kipindi cha pili cha awamu ya tatu inalenga kuzifikia kaya masikini ambazo hazikuguswa katika wamu zilizopita nakuitaka jamii kutambua kuwa miradi ya TASAF siyo ya kudumu kwani wanufaika watahitaji kuhitimu.

Bw. Boaz aliongeza kuwa Mkoa wa Shinyanga una jumla ya vijiji na mitaa 247 ambayo haijafikiwa na TASAF hivyo katika kipindi hiki miradi ya TASAF inalenga kuwafikia wananchi wanaoishi katika vijiji na mitaa hiyo kwab lengo la kutoa ruzuku kwa kaya ya masikini.

Amezitaja familia zitakazo nufaika ni pamoja na zile zenye watu walemavu, familia zinazoendeshwa na watoto yatima pamoja na kuwawezesha watoto wa kaya masikini kwenda kliniki ikiwemo kuwawezesha kwenda shule kuanzia shule ya awali mpaka sekondari.

Wakati huo Msamizi wa TASAF Mkoa wa Shinyanga Bw. Doto Maligisa amesema changamoto kubwa wanayokumbana nayo katika utekelezaji wa Miradi ya TASAF Shinyanga ni kuhama kwa baadhi ya kaya za wanufaika na wamekuwa wakifanya hivyo bila kutoa taarifa za kule walikohamia.

Bw. Doto ametoa wito kwa wanafamilia hao kutoa taarifa kwa serikali za vijiji walikohamia na kujitambulisha kwa kutoa kitambulisho cha TASAF ili uko waliko waweze kuendelea na kupata huduma za TASAF ili kuepukana na hadha ya kuendelea kubaki katika umasikini. 

Watekelezaji wa kipindi cha pili cha awamu ya tatu ya TASAF wataendelea kufanya kazi Mkoani Shinyanga kwa kuwatambua wanufaika wa ruzuku za kaya masikini chini ya mpango wa TASAF kwa kutumia madiwani na watendaji wa vijiji pamoja na watendaji wa serikali kwa kuwabaini wale wote watakaonufaika na mradi huo kwa kutumia vigezo vilivyowekwa.