Home Mchanganyiko MKURABITA YAWA CHACHU KASI YA URASIMISHAJI BIASHARA ZANZIBAR

MKURABITA YAWA CHACHU KASI YA URASIMISHAJI BIASHARA ZANZIBAR

0

Makamu Mwenyekiti wa  Kamati ya Uongozi ya Mpango wa Kurasimisha  Rasilimali na Biashara za Wanyonge Tanzania (MKURABITA) Bi.  Immaculata   Senje na Katibu Mkuu Wizara ya Biashara na Maendeleo ya Viwanda ya Serikali ya Mapinduzi Zanzibar (SMZ) Bw. Islam Seif  Salum (Kushoto) wakikata utepe kuzindua kituo jumuishi cha biashara   kilichopo  eneo  la Darajani  Unguja,  Zanzibar.

Makamu Mwenyekiti wa  Kamati ya Uongozi ya Mpango wa Kurasimishara  Rasilimali na Biashara za Wanyonge Tanzania (MKURABITA) Bi  Immaculata   Senje akieleza jambo kabla ya uzinduzi wa kituo jumuishi cha biashara  kilichopo  eneo  la Darajani  Unguja,  Zanzibar.

Mratibu wa Mpango wa Kurasimishara  Rasilimali na Biashara za Wanyonge Tanzania (MKURABITA) Dkt. Seraphia  Mgembe akieleza faida za urasimishaji ardhi na biashara kwa wananchi visiwani Zanzibar wakati wa ziara ya Kamati ya Uongozi ya Mpango huo  iliyolenga kujionea tija  inayotokana na   urasimishaji biashara visiwani humo.

Katibu Mkuu Wizara ya Biashara na Maendeleo ya Viwanda ya Serikali ya Mapinduzi Zanzibar (SMZ) Bw. Islam Seif Salum akieleza hatua zilizochukuliwa na zitakazochukuliwa  na Wizara hiyo katika kuhakikisha kwamba  urasimishaji   biashara unaleta tija na kuzalisha ajira zaidi kama ilivyo dhamira ya  Serikali ya Mapinduzi Zanzibar na  ya Jamhuri ya Muungano wa Tanzania.

Mmoja wa  wanufaika wa urasimishaji biashara uliofanywa na MKURABITA kwa kushirikiana na Wizara ya Biashara na Maendeleo ya Viwanda ya Serikali ya Mapinduzi Zanzibar (SMZ) Bi. Mariam Abdalla Hemed akieleza faida alizopata baada ya kurasimisha biashara yake ikiwemo kukopa fedha za kukuza biashara yake.

Mkurugenzi wa  Biashara na Masoko , Wizara ya Biasahra na Maendeleo ya Viwanda Bw. Khamis Ahmada Shauri akieleza mafanikio ya urasimishaji  biashara visiwani humo tangu kuanza kwa mpango huo kupitia MKURABITA na Wizara hiyo .

Afisa leseni wa Baraza la Manispaa ya  Mjini  Kisiwani Unguja , Zanzibar Bw. Rashid Kaiza Omari akieleza faida za kuzindua kituo jumuishi cha biashara   kilichopo  eneo  la Darajani  Unguja,  Zanzibar wakati wa hafla ya uzinduzi wa kituo hicho.

Sehemu ya bidhaa zinazozalishwa na wajasiriamali walirasimisha biashara zao katika Wilaya mbalimbali ikiwemo wilaya ya Magharibi B, Unguja Zanzibar.

Sehemu ya wajumbe wa Kamati ya Uongozi ya Mpango wa Kurasimishara  Rasilimali na Biashara za Wanyonge Tanzania (MKURABITA) wakifuatilia hotuba ya  Katibu Mkuu Wizara ya Biashara na Maendeleo ya Viwanda ya Serikali ya Mapinduzi Zanzibar (SMZ) Bw. Islam Seif Salum muda mfupi kabla ya uzinduzi wa kituo jumuishi cha biashara  kilichopo  eneo  la Darajani  Unguja,  Zanzibar.

(Picha zote na MAELEZO)

……………………………………………………………………….

Na.Mwandishi wetu-Unguja

Katibu Mkuu Wizara ya Biashara na Maendeleo ya Viwanda ya Serikali ya Mapinduzi Zanzibar (SMZ) Bw. Islam Seif Salum amesema kuwa Wizara hiyo itaongeza kasi katika kuhakikisha urasimishaji biashara unakuwa chachu ya kuzalisha ajira visiwani humo baada ya Mpango wa Kurasimisha Rasilimali na Bishara  za Wanyonge Tanzania (MKURABITA) kujenga uwezo ili kutekeleza azma ya Serikali ya Mapinduzi Zanzibar na ile ya Jamhuri ya Muungano wa Tanzania kuwezesha wananchi kwa kuzalisha ajira zaidi katika sekta hiyo.

Ameyasema  hayo  leo katika eneo la Darajani Unguja  wakati wa  hafla ya uzinduzi wa Kituo jumuishi cha Biashara iliyoshirikisha wajumbe wa Kamati ya Uongozi ya MKURABITA  waliopo ziarani visiwani humo kuwatembelea wanufaika wa mpango huo na kuona hatua walizofikia baada ya urasimishaji kufanyika kupitia mpango huo.

“Kituo hiki kinalenga kuwawezesha wananchi kupata huduma zote za urasimishaji biashara katika eneo moja ili kuwaondolea adha ya kutembea umbali mrefu kufuata huduma katika Taasisi mbalimbali za Serikali, Wizara na Taasisi zilizopo chini yake zitaendelea kutenga bajeti ili kuwezesha suala la urasimishaji biashara kutekelezwa kwa kasi zaidi  hali itakayochangia katika kuzalisha ajira kwa wingi zaidi na kukuza uchumi hapa Zanzibar”,alisisitiza Salum

Akifafanua amesema urasimishaji uliofanyika umeenda sambamba na kuwapatia mafunzo wafanyabiashara wadogowadogo ili waweze kusimamia biashara zao vizuri,kuweka kumbukumbu, kuwa na akaunti za biashara na kufanya biashara kwa tija.

“Katika hatua za ujenzi wa Kituo Wizara ilipokea kutoka MKURABITA jumla ya shilingi milioni 57,109,500/ambazo kati hizo shilingi milioni 27,969,000/- zilitumika katika shughuli za urasimishaji kwa Unguja na pemba na Shilingi milioni 29,140,500/ zilitumika kwa ajili ya ujenzi mdogo wa kuweka vibanda sita,ununuzi wa vifaambalimbali ikiwemo meza 6, viti6, kabati 1, Computer na vifaa vingine.

Kuhusu hatua zilizochukuliwa  na Serikali katika kuwezesha wananchi baada ya urasimishaji amesema kuwa ni pamoja na kupunguza ada ya usajili wa majina ya biashara,kuanzishwa kwa mfumo wa kielekrtoniki ili kusogeza zaidi huduma kwa wananchi.

Naye Makamu Mwenyekiti wa Kamati ya Uongozi ya Mpango huo Bi Immaculata Senje amesema kuwa kamati imeridhishwa na utekelezaji wa kazi za urasimishaji  katika maeneo yaliyofikiwa na mpango huo visiwani humo.

Aidha, Bi. Senje amesema kuwa ushirikiano uliopo katika ya MKURABITA na Wizara hiyo umewezesha tija katika urasimishaji ardhi na biasahra Zanzibar.

Aliongeza kuwa kuna umuhimu wa kuendelea kutoa elimu kwa wananchi kuhusu urasimishaji biashara  ili wajitokeze zaidi na kutumia fursa hiyo kuongeza tija.

Mratibu wa MKURABITA Dkt. Seraphia Mgembe amesema kuwa wananchi waliorasimisha biashara zao wameanza kuona faida ya mpango huo na azma ya mpango ni kuona idadi ya wanufaika inaongezeka zaidi ili kuendana na azma ya Serikali zote mbili.

Aliongeza kuwa mafanikio yaliyofikiwa ni chachu ya kuongeza kasi katika kuwahamasisha wananchi wengi zaidi kujitokeza na kurasimisha biashara zao ili ziweze kufanyika kwa kuzingatia mifumo ya sheria na taratibu zilizopo na pia kuwawezesha wananchi kunufaika na mikopo kutoka taasisi za fedha.

Akitoa taarifa ya urasimishaji visiwani humo , Mkurugenzi wa Biashara na Masoko Bw. Khamis Ahmada Shauri amesema kuwa  jumla ya wafanyabiashara 461 wamerasimisha biashara zao visiwani humo baada ya kujengewe uwezo kupitia mafunzo yaliyoendeshwa na MKURABITA na Wizara hiyo katika awamu zote za urasimishaji hadi kufikia mwaka 2020.

MKURABITA  na Wizara ya Biashara na Maendeleo ya Viwanda  ya Serikali ya Mapinduzi Zanzibar (SMZ), pamoja na Tume ya Mipango imefanikiwa katika kuwezesha wananchi kurasimisha biashara na ardhi ili kujikwamua kiuchumi na kushiriki katika ujenzi wa uchumi.