Home Mchanganyiko SERIKALI YA DKT. JOHN POMBE MAGUFULI YATOA KIASI CHA BILIONI 78 ILI...

SERIKALI YA DKT. JOHN POMBE MAGUFULI YATOA KIASI CHA BILIONI 78 ILI KUDHIBITI SUMUKUVU – KATIBU MKUU KUSAYA

0

Katibu Mkuu Wizara ya Kilimo Bwana Gerald Kusaya akipokea maelezo kutoka kwa Mkuu wa wilaya ya Itilima, mkoani Simiyu, Mhe. Benson Kilagi mara baada ya kufika kwenye ofisi ya Mkuu wa Wilaya leo tarehe 31 Julai, 2020.

 Katibu Mkuu Kilimo Bwana Gerald Kusaya akiwa pamoja na Mkuu wa Wilaya ya Itilima, Mhe. Benson Kilangi pamoja na Mwenyekiti wa Kijiji cha Ikandilo mwenye fulana nyekundu pamoja na Wakulima na Wananchi baada ya Katibu Mkuu kukagua mipaka ya eneo lililotolewa na Wananchi hao kwa ajili ya ujenzi huo, mapema leo, tarehe 31 Julai, 2020.

Katibu Mkuu Kilimo Bwana Gerald Kusaya akiwa pamoja na Mkurugenzi wa Halmashauri ya Wilaya ya Itilima Bibi. Elizabeth Gumbo pamoja na Mwenyekiti wa Kijiji cha Ikandilo, mwenye fulana nyekundu pamoja na Wakulima na Wananchi baada ya Katibu Mkuu kukagua mipaka ya eneo lililotolewa kwa ajili ya ujenzi huo, mapema leo, tarehe 31 Julai, 2020.

Katibu Mkuu Kilimo Bwana Gerald Kusaya akifuatilia maelezo kutoka kwa Mkuu wa wilaya ya Itilima, Mhe. Benson Kilangi alipokuwa akizungumza na Wakulima wa kijiji cha Ikindilo ambapo kwa kauli moja, wameridhia na kutoa eneo ambalo litajengwa ghala la kuhifadhia mazao ya kilimo.

Katibu Mkuu Kilimo Bwana Gerald Kusaya akipokea taarifa ya maendelo ya Sekta ya Kilimo kutoka kwa Mkurugenzi Mtendaji wa Halmashauri ya Wilaya ya Itilima, Bibi Elizabeth Gumbo.

Katibu Mkuu Wizara ya Kilimo Bwana Gerald Kusaya mara baada ya kufika kwenye Ofisi ya Mkurugenzi wa Halmashauri ya Wilaya ya Itilima leo tarehe 31 Julai, 2020.

***********************************

Serikali ya Rais, Dkt. John Pombe Magufuli imetoa kiasi cha Dola za Marekani milioni 35.3 sawa na bilioni 78 fedha Kitanzania kwa ajili ya utekelezaji wa Mradi wa Kudhibiti Sumukuvu nchini (Tanzania Prevention for Afflatoxin Contamination – TANPAC).

Sumukuvu inatokana na fangasi wanaoota kwenye mazao ya chakula hususan mahindi na karanga, ambapo fedha hizo zitatumika kujenga miundombinu mbalimbali, ikiwemo maghala katika Halmashauri 14 Tanzania Bara na Zanzibar.

Akizungumza kabla ya kutembelea eneo litakalojengwa ghala la kuhifadhia mazao ya chakula katika kijijini cha Ikindilo wilayani Itilima mkoani Simiyu, Katibu Mkuu wa Wizara ya Kilimo, Bwana Gerald Kusaya anasema fedha hizo zitatumika kujenga maabara mahususi ya kilimo Jijini, Dodoma; Kituo cha karantini ya utafiti wa Sumukuvu, Kibaha mkoani Pwani pamoja na Kituo mahili cha mazao eneo la Mtanana, mkoani Dodoma.

Aidha, Katibu Mkuu Kusaya amesema kupitia mradi wa TANPAC Serikali itajenga Maghala 14 kwa ajili ya kuhifadhi mazao ya chakula aina ya nafaka na kutumia fursa hiyo kuziomba Halmashauri hizo 12 (Tanzania Bara) na mbili Zanzibar kutoa maeneo ambayo hayatakuwa na migogoro ya ardhi ili maghala hayo yajengwe mara moja.

Katibu Mkuu Kusaya ameongeza kuwa thamani ya kila ghala, litakalojengwa katika Halmashuri kila Halmashauri; Litagharimu kiasi cha shilingi milioni 480 na kuongeza kuwa Serikali ya Awamu ya Tano imedhamiria kumkomboa Mkulima kutokana na changamoto ya sumukuvu ambayo ina athari kubwa kwa afya za walaji pamoja na biashara ya mazao ya kilimo ndani na nje ya nchi.

“Nawaomba Wakurugenzi wa Halmashauri, Wakuu wa Wilaya, Wakulima na Wananchi ambao Halmashauri zao zimepata fursa ya kujengewa maghala haya, waridhie na wataoe maeneo ambayo hayana migogoro ili mwezi Disemba, 2020 tuanze ujenzi, fedha ipo tayari na mchakato wa kuwapata Wazabuni upo kwenye hatua ya mwisho.” Amekaririwa Katibu Mkuu Kilimo, Bwana Gerald Kusaya.