Home Mchanganyiko RAIS APONGEZA MCHANGO WA SEKTA YA FEDHA KUFIKIA UCHUMI WA KATI

RAIS APONGEZA MCHANGO WA SEKTA YA FEDHA KUFIKIA UCHUMI WA KATI

0

***********************************

Rais wa Jamhuri ya Muungano wa Tanzania, Mhe. Dkt. John Pombe Joseph Magufuli, ameipongeza Benki Kuu ya Tanzania, mabenki na sekta ya fedha kwa ujumla kwa mchango wao katika kuiwezesha Tanzania kuingia katika kundi la nchi za uchumi wa kati.

Dkt. Magufuli ametoa pongezi hizo katika mazungumzo yake na Gavana wa Benki Kuu ya Tanzania, Prof. Florens Luoga, tarehe 2 Julai 2020..

Dkt. Magufuli amemtaka Gavana Luoga kumfikishia salamu zake za pongezi kwa wafanyakazi wa Benki Kuu na kwa sekta ya fedha kwa ujumla.

Aidha, amezitaka Benki Kuu, mabenki na sekta ya fedha kuendelea kuchapa kazi kwa bidii na weledi kwa maendeleo ya taifa letu.

Mnamo Julai 1, 2020, Benki ya Dunia ilitangaza kwamba Tanzania imeingia katika kundi la nchi za uchumi wa kati. Benki ya Dunia inaitambua nchi kwamba imeingia katika kundi la chini la nchi za uchumi wa kati kama wastani wa pato la mtu kwa mwaka ni kati ya dola za Kimarekani 1,036 na dola 4,045.