Home Mchanganyiko WAZIRI WA KILIMO TANZANIA MHE JAPHET HASUNGA AKUTANA NA KUFANYA MAZUNGUMZO NA...

WAZIRI WA KILIMO TANZANIA MHE JAPHET HASUNGA AKUTANA NA KUFANYA MAZUNGUMZO NA WAZIRI WA KILIMO WA ZIMBABWE PERRANCE SHIRI JIJINI DAR ES SALAAM

0
Waziri wa Kilimo wa Tanzania Mhe Japhet Hasunga (Mb) akizungumza na Waziri wa Kilimo wa Zimbabwe Kamanda wa jeshi jeshi la anga Perrance Shiri, leo tarehe 20 Septemba 2019 katika ukumbi wa mikutano wa Wizara ya Mambo ya nje na Ushirikiano wa Afrika Mashariki Mtaa wa Posta Jijini Dar es salaam. (Picha Zote Na Mathias Canal, Wizara ya Kilimo)
Sehemu ya wataalamu wa Kilimo wa Zimbabwe wakifatilia mkutano huo leo tarehe 20 Septemba 2019 katika ukumbi wa mikutano wa Wizara ya Mambo ya nje na Ushirikiano wa Afrika Mashariki Mtaa wa Posta Jijini Dar es salaam.
Waziri wa Kilimo wa Tanzania Mhe Japhet Hasunga (Mb) akizungumza na Waziri wa Kilimo wa Zimbabwe Kamanda wa jeshi jeshi la anga Perrance Shiri, leo tarehe 20 Septemba 2019 katika ukumbi wa mikutano wa Wizara ya Mambo ya nje na Ushirikiano wa Afrika Mashariki Mtaa wa Posta Jijini Dar es salaam.
Waziri wa Kilimo wa Tanzania Mhe Japhet Hasunga (Mb) akizungumza na Waziri wa Kilimo wa Zimbabwe Kamanda wa jeshi jeshi la anga Perrance Shiri, leo tarehe 20 Septemba 2019 katika ukumbi wa mikutano wa Wizara ya Mambo ya nje na Ushirikiano wa Afrika Mashariki Mtaa wa Posta Jijini Dar es salaam.
Na
Mathias Canal, Wizara ya Kilimo-Dodoma
Waziri wa Kilimo wa Tanzania Mhe Japhet
Hasunga (Mb) leo tarehe 20 Septemba 2019 amekutana na kufanya mazungumzo na
Waziri wa Kilimo wa Zimbabwe Kamanda wa jeshi jeshi la anga Perrance Shiri.
Mkutano huo umefanyika katika ukumbi wa
mikutano wa Wizara ya Mambo ya nje na Ushirikiano wa Afrika Mashariki Mtaa wa
Posta Jijini Dar es salaam.
Akizungumza
mara baada ya mkutano huo Waziri wa Kilimo Mhe Japhet Hasunga amesema kuwa
miongoni mwa mambo yaliyojadiliwa katika mkutano huo ni pamoja na kuongeza ushirikiano
katika sekta ya kilimo baina ya Zimbabwe na Tanzania.
Alisema
kuwa nchi zote mbili zina uzoefu katika sekta ya kilimo hivyo uzoefu huo
unapaswa kuhuishwa katika nchi zote mbili ili kuwa na tija ya kilimo na
kuimarisha usalama wa chakula.
Mhe
Hasunga alisema kuwa ujumbe wa wataalamu wa Kilimo kutoka nchini Zimbabwe
ukiongozwa na Waziri wao wa Kilimo umeiomba serikali ya Tanzania kuwaongezea
Tani 70,000 ili kufikia Tani 100,000 waweze kurudi nazo nchini Zimbabwe
Katika
kikao hicho Waziri Hasunga amesema kuwa wamekubaliana wataalamu wa wizara ya
Kilimo wa Zimbabwe na Wataalamu wa Kilimo wa Tanzania wakutane katika kikao
kazi kujadiliana namna bora ya kufanya biashara hiyo.
“Jana
wameshuhudia treni ya kwanza ikiondoka kuelekea Zimbabwe ikiwa imebeba Tani
1200 za mahindi na wanategemea Tani 17,000 za awali ambazo wamechukua ziwasili
mapema iwezekanavyo” Alisisitiza Mhe Hasunga
Kwa upande wake Waziri
wa Kilimo wa Zimbabwe Kamanda wa jeshi la anga Perrance Shiri amesema kuwa lengo la ziara yake nchini Tanzania ni pamoja
na kufuatilia utekelezaji wa mauzo ya mahindi kutoka Tanzania kuelekea Zimbabwe.
Pia
amemuomba waziri wa kilimo wa Tanzania kuwa na ushirikiano wa pamoja kwenye
sekta ya kilimo hususani katika zao la mpunga na mazao mengine.
Rais wa
Jamhuri ya Muungano wa Tanzania Mhe Dkt John Magufuli aliingia makubaliano na Rais
wa Zimbabwe Mhe
Emmerson Mnangagwa kuwa Tanzania itaiuzia Zimbabwe
tani 700,000 za mahindi kufuatia nchi hiyo kukabiliwa na upungufu wa chakula.