Home Uncategorized TAIFA STARS YAICHAPA 4-1 HARAMBEE STARS KWA MATUTA NA KUITUPA NJE KUFUZU...

TAIFA STARS YAICHAPA 4-1 HARAMBEE STARS KWA MATUTA NA KUITUPA NJE KUFUZU CHAN 2020

0
Na Mwandishi Wetu, NAIROBI
TANZANIA imefanikiwa kutinga hatua ya mwisho ya mchujo wa kuwania tiketi ya Fainali za Ubingwa wa Mataifa ya Afrika (CHAN) baada ya ushindi wa penalti 4-1 dhidi ya Kenya jioni ya leo Uwanja wa Moi Kasarani mjini Nairobi, Kenya.
Shujaa wa Taifa Stars leo alikuwa ni kipa mkongwe, Juma Kaseja aliyerejeshwa kikosini baada ya miaka sita ambaye aliokoa penalti ya Michael Kibwage.
Waliofunga penalti za Tanzania ni mabeki Erasto Nyoni, Paul Godfrey ‘Boxer’, Gardiel Michael na mshambuliaji Salum Aiyee.
Kenya walipata penalti moja tu, ambayo ilifungwa na Cliffton Miheso Ayisi, huku nyingine wakikosa Michael Kibwage na Joash Achieng Onyango.
Sasa Tanzania itakutana na Sudan katika hatua ya mwisho ya mchujo wa kuwania tiketi ya CHAN ya mwakani nchini Cameroon, mechi ya kwanza ikichezwa Dar es Salaam Septemba 20 na marudiano Oktoba 18 Khartoum.
Kikosi cha Tanzania kilikuwa; Juma Kaseja, Paul Godfrey, Gardiel Michael, Erasto Nyoni, Kelvin Yondan, Jonas Mkude, Frank Domayo/Salim Aiyee, Salum Abubakar ‘Sure Boy’, John Bocco/Ayoub Lyanga, Iddi Suleiman ‘Nado’ na Hassan Dilunga/Abdulaziz Makame.
Kenya; John Oyemba, Philemon Otieno/Ibrahim Shambi, Cliffton Miheso, Mike Kibwage, Joash Onyango, Dennis Odhiambo, Samuel Onyango, Kenneth Muguna, Sydney Lokale/Enosh Ochieng, Whyvone Isuza na Duke Abuya/ David Owino.