Katibu Mkuu Jumuiya ya Wazazi Taifa Bw. Erasto Sima akimkabidhi mashine ya photocopy Katibu wa Wazazi Mkoa wa Tanga Bw. Hassan Mdoe leo katika ofisi ya Wazazi Jijini Dar es Salaam, Vitendea kazi hivyo vimetolewa na Mheshimiwa Najma Giga (Mb. Viti Maalum) kama moja ya ahadi zake alizoahidi
***************************************
NA EMMANUEL MBATILO
Mbunge wa viti Maalumu (CCM) Mh. Najma Giga ametekeleza ahadi yake ambayo aliiahidi katika Umoja wa wazazi ( Jumuiya ya CCM) kuwapatia vifaa vya kazi ikiwemo mashine ya photocopy pamoja na kompyuta.
Akizungumza na wanahabari jijini Dar es Salaam, Katibu Mkuu Jumuiya ya Wazazi Taifa Bw. Erasto Sima amesema kuwa Mbunge Mheshimiwa Najma aliahidi kutoa vifaa hivyo katika mikoa yote 32 ya Tanzania pamoja na wilaya zote za Zanzibar na mpaka sasa kuna mikoa 5 ambayo bado hajatimiza.
“Tutagawa kompyuta na mashine ya photocopy kwa mikoa ya Tanga, Pwani na Dar es Salaam. Jumla ya gharama ambazo ametumia mpaka sasa mheshimiwa Najma ni Milioni 44,04000/=”. Amesema Bw. Sima.
Katibu mkuu huyo ameongeza kuwa wataendelea kutoa wito kwa wadau mbalimbali waendelee kusaidiana katika vitendea kazi katika maeneo yote pia watandelea kumuunga mkono Mheshimiwa Rais kwa jitihada ambazo anazifanya.
Kwa upande wake Katibu wa Wazazi Mkoa wa Tanga Bw. Hassan Mdoe amemshukuru Mheshimiwa Najma kwa jitihada zake hasa kutekeleza ahadi zake za kuwapatia vifaa vya kufanyia kazi katika ofisi zao.
“Vifaa hivi vitatusaidia katika kurahisisha utendaji wetu wa kazi kwasababu tumekuwatukipata changamoto ya ukosefu wa vifaa hivi na muda mwingine siri za ofisi zinzvuja kutokana na kufanyia kazi nje ya ofisi zetu”. Amesema Bw. Mdoe.
