***************
Jeshi la Polisi Mkoa wa Mbeya linawashikilia watu watatu raia wa kigeni kwa kosa
la kusafirisha madini aina ya dhahabu bila kuwa na kibali. Watuhumiwa hao
walikuwa wakitokea Wilaya ya Chunya kuelekea Jijini Dar es salaam.
Watuhumiwa hao ni 1: CLIVE S/O ROONEY [62] raia wa nchi ya Ireland 2:
ROSS STEPHEN CHERTSEY [ 34], raia wa nchini Uingereza pamoja na 3:
ROBERT CHARLES [58] , raia wa nchini Uingereza.
Tukio hilo lilitokea mnamo tarehe 03.07. 2019 majira ya saa ya 15:00 mchana
huko Kiwanja cha Ndege cha Kimataifa cha Songwe [SIA], Kata ya Nsalala,
Tarafa ya Usongwe Wilaya ya Kipolisi Mbalizi. Watuhumiwa hao walikamatwa
na maafisa wa usalama wa uwanja huo wa Songwe. Madini hayo yalikuwa na
uzito wa gramu 1,044.95. Ufuatiliaji unaendelea kufanywa na Kikosi kazi cha
kamati ya usalama ya Mkoa.
