Na Mwandishi wetu Mihambwe

Watanzania wameshauliwa kuendelea kuiamini na kuiunga mkono Serikali ya awamu ya 5 inayoongozwa na Rais Magufuli kwani inaendelea kufanya makubwa ya kitaifa yanayomgusa moja kwa moja Kila Mtanzania.

Hayo yamebainishwa na Afisa Tarafa Mihambwe Emmanuel Shilatu alipokuwa akizungumza na wakazi wa kijiji cha Mitondi B kilichopo kata ya Kitama ambapo amesema viongozi wenye kariba kama ya Rais Magufuli ya uadilifu, uchapakazi na uzalendo ni nadra sana kwa nyakati hizi hivyo yatupasa tuendelee kumsaidia kulijenga Taifa letu.

“Unapozungumzia Elimu bure; Dawa hospitalini; udhibiti wa rasilimali zetu; mapambano dhidi ya rushwa na ufisadi; pamoja na kuleta uadilifu, uwajibikaji na uzalendo kwa Watumishi wa umma wanufaika wakubwa ni sisi Wananchi wa kawaida.” Alisema Gavana Shilatu.

Hata unapozungumzia miradi mikubwa ya kitaifa inayoendelea hata sisi wakazi wa vijijini itatunufaisha pia, tuendelee kuyaunga mkono maono hayo aliyobarikiwa na kutufanyia Rais wetu Dkt John Magufuli.

“Mapato yatakayokusanywa kupitia ndege mpya 6, ujenzi wa reli ya kisasa ya umeme yatakuja mpaka huku kijijini kutuhudumia;  Ujenzi wa mradi  wa Stiglers gogle umeme utakaozalishwa megawatts 2115  nasi tutautumia pia huku Kijijini. Tuendelee kumsaidia Rais Magufuli kwa kufanya kazi kwa bidii. Alisisitiza Gavana Shilatu.

Katika ziara hiyo ya mkutano na Wananchi Gavana Shilatu aliambatana na Mtendaji kata Kitama, Afisa Maendeleo kata ya Kitama, Watendaji Vijiji wa kata kitama na wataalamu mbalimbali ambao pia walijibu na kutatua kero za Wananchi kijijini hapo.