Chama Cha Mapinduzi kimewateua na kuwaleta kwa wananchi wagombea wa nafasi za uchaguzi wa Serikali za Mitaa wanaofaa kuongoza ili wananchi waweze kupata maendeleo
Hayo yamesemwa na mwenyekiti wa jumuiya ya umoja wa wanawake wilaya ya Nyamagana Mhe Witnes Makale wakati akizungumza na wananachi wa kata ya Mbugani katika mkutano wa uzinduzi wa kampeni za serikali za mitaa mwaka 2024 katika viwanja vya Uhuru ambapo amewataka wananchi kutofanya makosa na kuchagua vyama vyengine visivyo na sera za kuwaletea wananchi maendeleo
‘.. CCM ndio chama chenye sera zinazotekelezeka, Ndugu wananchi msidanganyike na watu wasioitakia mema nchi yetu, Twendeni tukachague CCM na wagombea wake tuweze kupata maendeleo ..’ Alisema
Aidha Mhe Makale amewasisitiza wanawake wa chama cha mapinduzi kuhakikisha wanashawishi wananchi wengine kukiunga mkono chama hicho kwa kuwa kazi kubwa ya maendeleo imefanywa na viongozi wake chini ya Rais na Mwenyekiti wa Chama hicho Taifa Mhe Dkt Samia Suluhu Hasan
Kwa upande wake mjumbe wa halmashauri kuu ya CCM wilaya ya Nyamagana Ndugu Yusuph Ludimo amewataka vijana kutopuuza ushiriki katika uchaguzi wa serikali za mitaa kwa kuwa uchaguzi huo ndio msingi wa utekelezaji wa shughuli za maendeleo kwa ngazi ya mtaa huku akiwaomba kuchagua wenyeviti na wajumbe wanaotokana na CCM ili kazi ya kuwaletea maendeleo iwe nyepesi
Mhe Bi Lishinu ni diwani wa viti maalum jiji la Mwanza ambapo amewapongeza wananchi wa kata ya Mbugani kwa kujitokeza katika uzinduzi wa kampeni za CCM huku akiwata kuendelea kukiunga mkono chama hicho kwa kukichagua katika uchaguzi wa Novemba 27, 2024
