Home Mchanganyiko WADAU WA KILIMO WA TBL WASHIRIKI MAONYESHO YA TARI

WADAU WA KILIMO WA TBL WASHIRIKI MAONYESHO YA TARI

0

Waziri wa Kilimo Mh.Japhet Hasunga akitembelea moja  ya shamba la mfano wa Shahiri wakati wa maonyesho hayo

…………………………………………………………………………………….

Katika mkakati wake wa kuwainua wakulima nchini, kampuni ya Tanzania Breweries Public Limited imewezesha wakulima wa zao la Shahiri kanda ya kaskazini inaoshirikiana nao kuhudhuria maonyesho ya kilimo yaliyoandaliwa na taasisi ya Tanzania Agricultural Research Institute, (TARI na kufanyika mkoani Arusha.

Kwa kipindi kirefu kampuni imekuwa ikishirikiana na wakulima wa zao la shahiri kwa kuwawezesha kuongeza uzalishaji kwa kuwapatia mbegu bora zinazofaa katika hali ya hewa ya eneo hilo sambamba na kuwahakikishia soko la uhakika wa mavuno yao.

Meneja Masoko wa TBL Plc Joel Msechu,alisema kampuni imedhamini wakulima wapatao 100 kuhudhuria katika maonyesho hayo kwa ajili ya kujifunza mbinu za kilimo cha kisasa na matumizi ya teknolojia katika kuleta mapinduzi ya kilimo ili ziwasaidia kuongeza uzalishaji.

“Kwetu TBL tunaamini ushirikiano unaweza kuchochea kuleta maendeleo endelevu.Maonyesho ya kilimo ni moja ya fursa ya kuwakutanisha wakulima wetu wa zao la Shahiri na mtama na kuwawezesha kupata maarifa ya kukabiliana na changamoto wanazokutana nazo katika kazi yao”,alisema Msechu.

Kampuni ya TBL imedhamiria kuunga mkono jitihada za Serikali ya Tanzania ya kuleta mapinduzi ya viwanda kupitia kuwekeza pia katika sekta ya kilimo kupitia mpango wake wa kushirikiana na wakulima 6,000 wa zao la Shahiri katika maeneo ya Kilimanjaro,Manyara,Arusha,Iringa na Madaba sambamba na kujenga kiwanda cha kusindika kimea mkoani Dodoma ambacho kitakuwa na uwezo wa kuzalisha tani 32,000 za kimea.Kwa sasa kampuni inanua asilimia 74% ya malighafi zake nchini na imedhamiria kuongeza zaidi matumizi ya malighafi kutoka nchini katika miaka ijayo.