Katibu Mkuu wa Viwanda na Biashara Prof.Riziki Shemdoe akimsikiliza Meneja wa Vipimo Mkoa wa Pwani Bw.Alban Kihulla baada ya kutembelea kituo cha Wakala wa Vipimo Misugusugu Mkoa wa Pwani.
Katibu Mkuu wa Viwanda na Biashara Prof.Riziki Shemdoe akiangalia namna mtambo ukipima dira za maji baada ya kutembelea kituo cha Wakala wa Vipimo Misugusugu Mkoa wa Pwani.
Katibu Mkuu wa Viwanda na Biashara Prof.Riziki Shemdoe akiwa pamoja na Afisa Mtendaji Mkuu-WMA, Dkt.Ludovick Manege baada ya kuwasili katika kituo cha Wakala wa Vipimo Misugusugu Mkoa wa Pwani.
****************************
NA EMMANUEL MBATILO
Wakala wa Vipimo Tanzania (WMA) wameelekezwa kufikia mwezi Oktoba mwaka huu kumalizika kwa jengo la kuhifadhi mtambo wa kupima mita za umeme kwani mpaka sasa taratibu za manunuzi umeshaanza kufanyika.
Ameyasema hayo leo Katibu Mkuu wa Wizara ya Viwanda na Biashara Prof.Riziki Shemdoe baada ya kutembelea kituo hicho kilichopo Misugusugu Mkoa wa Pwani.
Akizungumza katika kituo hicho Prof.Shemdoe amewataka WMA washirikiane na Tanesco pamoja na TPDC ili kuweza kufanikisha jambo la kupima mita zinazoweza kutumika katika matumizi.
“WMA wameanza mkakati wa kupima mita za umeme, niombe suala hili lifanyiwe kazi kwa haraka lile jengo ambalo linatakiwa lijengwe kwaajili ya kuhifadhi mtambo wa kupima mita za umeme lijenge na ikiwezekani kabla ya mwisho wa mwaka huu”. Amesema Prof.Shemdoe.
Aidha Prof.Shemdoe ameomba kuanza mchakato wa kupata mtambo mwingine ambao utasaidia kupima mita za gesi zinazotumika viwandani na pengine ambazo tumeanza kuzitumia majumbani ili waweze kulipa kutokana na matumizi sahihi.
Kwa upande wake Afisa Mtendaji Mkuu-WMA, Dkt.Ludovick Manege amesema utaratibu wa kuwepo kwa mtambo wa kupima mita za umeme umeshaanza na hata hivyo kufikia mwishoni mwa mwaka huu utakuwa tayari umeshakamilika.
“Pamoja na sasa tunapima dira za maji lakini kwa kufikia mwezi wa kumi tutakuwa tumeanza kupima dira za umeme kwasababu tayari taratibu za manunuzi zimekamilika”.Amesema Dkt.Manega.
