Wawakilishi wa Tanzania katika michuano ya Mabingwa Barani Afrika (CAF Champions League), Yanga SC, leo Novemba 28, 2025 wamefanikiwa kupata sare tasa ugenini dhidi ya JS Kabylie katika mchezo uliofanyika kwenye Uwanja wa Hocine Ait Ahmed nchini Algeria.
Kutokana na matokeo hayo, Yanga SC wamefikisha pointi 4 katika Kundi B, huku wapinzani wao JS Kabylie wakiwa na pointi 1.
Yanga SC waliingia kwenye mchezo huo wakiwa na morali kubwa baada ya kupata ushindi wa bao 1–0 dhidi ya AS FAR Rabat ya Morocco, katika mchezo uliopigwa kwenye Uwanja wa New Amaan Complex, Zanzibar, chini ya Kocha Mkuu Pedro Gonçalves.
