Home Mchanganyiko JESHI LA POLISI MKOANI DODOMA LA MTIA MBARONI MWANAMKE MMOJA KWA KOSA...

JESHI LA POLISI MKOANI DODOMA LA MTIA MBARONI MWANAMKE MMOJA KWA KOSA LA WIZI KWA NJIA YA MTANDAO

0

 Kamanda wa Polisi mkoani Dodoma  Gilles Muroto,akionyesha baadhi ya Silaha kwa waandishi wa habari (hawapo pichani) walizozikamata mara baada ya kufanya msako jijini Dodoma.

Kamanda wa Polisi mkoani Dodoma  Gilles Muroto,akizungumza na waandishi wa habari jijini Dodoma (hawapo pichani) wakati akitoa taarifa ya kumkamata mwanamke anayetumia wizi kwa njia ya mtandao pamoja na matukio ya uhalifu mkoani humo.

……………………………………………………………………………………..

Na.Alex Sonna,Dodoma

Jeshi la polisi mkoani Dodoma limemkamata mwanamke mmoja Grace Rauwo (31) mkazi wa Mtoni kwa Azizi Ally Jijini Dar Es Salaam kwa kosa la wizi kwa njia ya mtandao .

Akizungumza na Waandishi wa Habari leo April,9,2020 jijini Dodoma Kamanda wa Polisi mkoani hapa SACP Gilles Muroto amebainisha kuwa ,Mwanamke huyo huwa anafanya uhalifu huo na timu ya wenzake wanaojihusisha na wizi wa fedha kwa njia ya mtandao na wamejisajili kama mawakala .

Muroto amesema kuwa mtumiwa huyo amekamatwa akiwa na gari lenye namba za usajili T.745 DSS aina ya TOYOTA CROWN rangi nyeupe alilokuwa anatumia katika uhalifu na likidhaniwa kuwa ni la wizi.

Kamanda Muroto amesema wahalifu hao wamechonga laini za simu ,wanaingilia mifumo ya neon la siri za wateja na kuwaibia fedha ambapo kabla ya kukamatwa waliiba fedha kwa njia ya mtandao Tsh.Milioni 27 na kugawana fedha hizo na yeye kuamua kununua gari hilo lenye Namba za usajili T.745 DSS ambalo pia walitumia kufanya uhalifu katika mikoa mbalimbali.

Katika tukio jingine Kamanda Muroto amebainisha kuwa huko mtaa wa Chinyoya kata ya Kilimani jijini Dodoma katika msako na kwa msaada wa askari wa jeshi la wananchi Tanzania[JWTZ]aliweza kumkamata Godfrey Francis Shirima [22]mpiga picha na mkazi wa Image jijini Dodoma akiwa na silaha Bastola aina ya Browning yenye Na.016975 akiimiliki kinyume cha sheria na kuitumia katika uhalifu na atafikishwa mahakamani muda wowote.

Aidha ,Kamanda Muroto ameendelea kufafanua kuwa ,tarehe 7/04/2020 kijiji cha Chilungulu tarafa ya Bahi mkoani Dodoma aliuawa Mwalimu Eradius Mgaya kwa kupigwa na kitu chenye ncha kali na kutupwa kwenye shamba la shule baada ya kuviziwa njiani wakati akirejea nyumbani kwake ambapo watu watano wamekamatwa kwa tuhuma hizo.