Home Mchanganyiko Waziri Simbachawene apongeza mradi wa upandaji mikoko Zanzibar

Waziri Simbachawene apongeza mradi wa upandaji mikoko Zanzibar

0

Waziri wa Nchi Ofisi ya Makamu wa Rais-Muungano na Mazingira Mhe. George
Boniface Simbachawene akizungumza na watendaji kutoka Ofisi ya Makamu wa
Pili wa Rais alipotembelea mradi wa upandaji mikokoko katika Shehia ya
Kilimani Wilaya ya Mjini Mkoa wa Magharibi.

Mratibu wa Shughuli za Serikali ya Mapinduzi ya Zanzibar Khalid Bakari Hamrani
(kushoto) akimuongoza Waziri wa Nchi Ofisi ya Makamu wa Rais-Muungano na
Mazingira Mhe. George Boniface Simbachawene kukagua mradi wa ujenzi wa
Kituo cha Afya Kianga katika Wilaya ya Magharibi A Mkoa wa Mjini Magharibi.

Waziri wa Nchi Ofisi ya Makamu wa Rais-Muungano na Mazingira Mhe. George
Boniface Simbachawene (wa pili kulia) akiendelea kutembelea mradi wa ujenzi
wa akituo cha afya Kianga.

Waziri wa Nchi Ofisi ya Makamu wa Rais-Muungano na Mazingira Mhe. George
Boniface Simbachawene (mbele katikati) akiwa kwenye picha ya pamoja na
Waziri wa Nchi Ofisi ya Makamu wa Pili wa Rais wa Zanzibar Mhe. Mohamed
Aboud (wa pili kulia),Naibu Waziri Ofisi ya Makamu wa Pili wa Rais Mhe. Mihayo
Juma Nunga (wa pili kushoto), Katibu Mkuu Ofisi hiyo Shaaban Seif (kulia)
pamoja na watendaji kutoka Ofisi ya Makamu wa Pili wa Rais na Makamu wa
Rais wa Jamhuri ya Muungano wa Tanzania.

Waziri wa Nchi Ofisi ya Makamu wa Rais-Muungano na Mazingira Mhe. George
Boniface Simbachawene (katikati) akiangalia maabara ya kituo cha afya Kianga
alipofanya ziara Wilaya ya Magharibi A Mkoa wa Mjini Magharibu.

Waziri wa Nchi Ofisi ya Makamu wa Rais-Muungano na Mazingira Mhe. George
Boniface Simbachawene akiwa katika picha ya pamoja na wananchi
wanaosimamia mradi wa ujenzi wa kituo cha afya Kianga pamoja na watendaji
kutoka Ofisi ya Makamu wa Rais wa Muungano na Makamu wa Pili wa Zanzibar.

*************

Na Ofisi ya Makamu wa Rais

Waziri wa Nchi Ofisi ya Makamu wa Rais Muungano na Mazingira Mhe. George
Boniface Simbachawene ameupongeza mradi wa utunzaji mazingira kupitia
upandaji miti ya mikoko mjini Zanzibar.

Mhe. Simbachawene ametoa pongezi hizo Agosti 5, 2019 katika siku ya kwanza
ya ziara yake ya kujitambulisha na kukagua miradi ya Muungano na Mazingira
visiwani hapa.

Akiwa katika eneo hilo lenye hekta nne lililopo Shehia ya Kilimani Wilaya ya Mjini
Mkoa wa Magharibi alisema ameridhishwa kuona namna ambavyo Ofisi ya
Makamu wa Pili wa Rais wa Zanzibar ilivyotekeleza mradi huo pamoja na ufadhili
kutoka Shirika la Mazingira la Umoja wa Mataifa (UNEP).

“Niwapongeze sana kwa mradi huu mzuri na tunaona matokeo yake umesaidia
mawimbi yasije kwa kasi katika eneo hili na kusababisha mmonyoko na tukiamua
kufanya kazi kwa pamonja na jamii tunaweza kufanya vizuri,” alisema.

Aidha, Mhe. Simbachawene alitoa wito kwa wataalamu kuangalia namna ya
kuibua miradi mingine katika fukwe za mikoa mingine kama Dar es Salaam,
Tanga, Lindi na Mtwara ili kusaidia kutunza mazingira.

Katika hatua nyingine alikagua ujenzi wa Kituo cha Afya Kianga katika Wilaya ya
Magharibi A Mkoa wa Mjini Magharibi aliwapongeza wananchi kwa kusimamia
mradi huo.

Alisema kuwa kwa kiasi cha sh. milioni 174 inadhihrisha namna wanavyotumia
fedha kwa uaminifu na kuwa tutapiga hatua katika kuendeleza sekta ya huduma
ya afya kwa wananchi.

“Nawapongeza sana wananchi hasa kwa kamati hii mmefanya vizuri kusimamia
mradi huu wa ujenzi wa kituo cha afya tunaamini udokozi haukuwepo kazi
imefanyika fenicha (samani) zipo, vifaa tiba na utendaji kazi mzuri unaendelea
kufanyika,” alisema.